ده اول موضوع ليا فى مدونتى العزيزه
ويسعدنى ان يكون اول موضوع ليااا بيكلم عن المذاكره ووجع القلب
ايون المذاكره منا طالعه تاالته ثانوي ازهرى
يعنى قهر واضمحلال ومذاكره ليل نهارر ومخ ماشى عكس الاتجااه
شعووور مالى الواحد واحساس صعب جدا كل ما يتخيل انو داخل على ثانويه
المشكله انى جواياا حلم ونفسى احققو
وصحابى قلوبهم ملياانا أحلام وهتحقق لما ننجح ونعدى السنه دى بتفووق طبعااا
نفسى اغمض عينى وافتحها الاقى نفسى خلصت السنه دى على خير
وابص حوالياا الاقى الكل فرحاان وبيجرى عليا ويقولى مبرررررررررررروك انتى نحجتى وجبتى مجموع كبيرر
واخيرا حققتى حلمك وحلمناا كلناااا
فى من اصحابى دخل علمى وهدفو يخش طب
ومنهم حلم حياتو يخش صيدله علشان يعوض اهلو على كل حاجه راحت منهم وافتقدوهاا
وانا من اللى دخلت ادبى ونفسى اخش كليه لغات وترجمه واتفوق فيها واجيب مجموع يوصلنى لمركز على الجمهوريه
يااااااااااااه امتا ده يحصل
وياترى فعلا هيتحقق ؟؟
يااااااااااااااارب الحلم فعلا يتحقق والكل يعدى السنادى على خير ويخش الكليه اللى بيحبهااا
